خالىمايمەن ئۆزگىلەرنى ئالداشنى
خالىمايمەن ناكەسلەرنى يانداشنى
خالىمايمەن كۈچۈكلىنىپ يېلىنىپ
تاپان يالاپ تۇرمۇشۇمنى قامداشنى
خالىمايمەن بىكار ئويناپ يۈرۈشنى
خالىمايمەن ھەم تېتىقسىز كۈلۈشنى
خالىمايمەن دوسلۇرۇمنىڭ يولىغا
تىكەن بۇلۇپ يانتاق بۇلۇپ ئۈنۈشنى

خالىمايمەن باشقىلارنى دوراشنى
خالىمايمەن كۆڭۈللەرنى ئالداشنى
خالىمايمەن مەيدە كېرىپ غادىيىپ
لايغەزەلدەك ناخشىنى توۋلاشنى